.svg){kind=logo}
Кыргызстанда жаш ата-энелерди окутуу боюнча мамлекеттик программа иштелип чыгатЭл аралык энергетика агенттиги Ормуз кысыгы аркылуу мунай жеткирүүдөгү рекорддук үзгүлтүктөн улам чукул жыйын чакыруудаЕАЭБ өлкөлөрүндө кооптуу жүктөрдү ташуу эрежелери жөнөкөйлөтүлөтЧарчы метр валюта катары: Бишкек бийлиги куруучулар үчүн жаңы эрежелерди иштеп чыгатКазакстандан келген 56 тонна пияз Кыргызстанга киргизилген жокОштогу дарыканадан аткезчилик менен алып келинген дары-дармектер табылды
ӨКМ өрт коопсуздугу боюнча 110 ооруканага эскертүү берди
11.03.2025 | 10:08
Өзгөчө кырдаалдар министрлиги өлкө боюнча 110 оорукананы текшерип, өрт коопсуздугун сактабагандарга эскертүү берди. Бул тууралуу аталган мекеме билдирди.
Маалыматка ылайык, ооруканаларды текшерүүнү күчөтүү тапшырмасы 11-февралда Жүрөк хирургиясы жана органдарды алмаштыруу илим-изилдөө институтунда чыккан өрт кырсыгынан кийин берилген.
Министрлик текшерүүдөн өткөн 110 ооруканадагы өрт коопсуздугу боюнча негизги бузууларды атады:
– имараттарда автоматташтырылган сигналдардын жоктугу;
– алгачкы өрт өчүрүүчү каражаттардын (огнетушитель) жетишсиздиги;
– суу өтүүчү түтүктөрдүн эскилиги;
– электр энергиясын бөлүштүрүүчү түйүндөрдүн ачык турушу;
– электрощиттердин кооптуу жайгашуусу;
– эвакуациялык кошумча эшиктердин, жолдордун ачык эместиги.
Ошондой эле өрт коопсуздугу сакталбаган ооруканалардын жетекчилигине 30 күн берилген. Эгерде бул убакыт ичинде аныкталган мүчүлүштүктөр жоюлбаса, 23 миң сом айып пул салынары эскертилген.
Рубрики: Жаңылыктар, Коом
