Улуттук кардиология жана терапия борборунун кызматкерлери өрт учурунда көрсөткөн каармандыгы үчүн Ардак грамота жана ыраазычылык баракчалары менен сыйланышты. Бул тууралуу Саламаттык сактоо министрлиги билдирди.

Маалыматта айтылгандай, аталган кызматкерлер ушул жылдын 11-февралында Жүрөк хирургиясы жана органдарды трансплантациялоо илим-изилдөө институтунун имаратында чыккан өрт кырсыгында бейтаптарды эвакуациялоого жана тез жардам көрсөтүүгө катышышкан.

Министрлик алар өзгөчө кырдаал учурунда жогорку жоопкерчиликти жана берилгендикти көрсөтүшкөнүн белгиледи. Медицина кызматкерлерине сыйлыктарды саламаттык сактоо министри Эркин Чечейбаев тапшырган.