.svg){kind=logo}
Айрым аймактарда өткүн өтөт: 29-сентябрга карата аба ырайынын божомолуСаясат таануучу Денис Борисов Кыргызстандын трансформациясына баа бердиЭмгек министрлигинин алдында Миграция маселелери боюнча департамент түзүлдүМинск шаарындагы сейил бакка орнотулат. Чыңгыз Айтматовдун айкелин жасоого сынак жарыяландыКыргызстанда жасалма интеллект жараткан контентке белги коюуну (маркалоону) милдеттендирүү каралуудаБишкекте орус үйүнүн күнүнө 2000ден ашык бишкектик катышты
ӨКМ өрт коопсуздугу боюнча 110 ооруканага эскертүү берди
11.03.2025 | 10:08
Өзгөчө кырдаалдар министрлиги өлкө боюнча 110 оорукананы текшерип, өрт коопсуздугун сактабагандарга эскертүү берди. Бул тууралуу аталган мекеме билдирди.
Маалыматка ылайык, ооруканаларды текшерүүнү күчөтүү тапшырмасы 11-февралда Жүрөк хирургиясы жана органдарды алмаштыруу илим-изилдөө институтунда чыккан өрт кырсыгынан кийин берилген.
Министрлик текшерүүдөн өткөн 110 ооруканадагы өрт коопсуздугу боюнча негизги бузууларды атады:
– имараттарда автоматташтырылган сигналдардын жоктугу;
– алгачкы өрт өчүрүүчү каражаттардын (огнетушитель) жетишсиздиги;
– суу өтүүчү түтүктөрдүн эскилиги;
– электр энергиясын бөлүштүрүүчү түйүндөрдүн ачык турушу;
– электрощиттердин кооптуу жайгашуусу;
– эвакуациялык кошумча эшиктердин, жолдордун ачык эместиги.
Ошондой эле өрт коопсуздугу сакталбаган ооруканалардын жетекчилигине 30 күн берилген. Эгерде бул убакыт ичинде аныкталган мүчүлүштүктөр жоюлбаса, 23 миң сом айып пул салынары эскертилген.
Рубрики: Жаңылыктар, Коом
