Өлкөдө күтүлүп жаткан туруксуз аба-ырайына байланыштуу Өзгөчө кырдаалдар министрлиги жарандарга жана айдоочуларга айрым жолдо жүрүү эрежелерин сактоого чакырды.

ӨКМ жарандарга зарылдык болбосо, алыскы жолго чыгууну башка күндөргө жылдырып турууну сунуштады. Ошондой эле жолго чыгууда дары-дармек, тамак-аш, суу, күрөкчө, дөңгөлөк чынжырчасын алууну унутпоо керектигин билдирди.

Ал эми айдоочуларга кар жаап, тайгак болсо, унаалардын ортосунда 500 метр аралыкты сактоону эскертти.

Кырсык катталган учурда жарандар 112 бирдиктүү номерине күнү-түнү акысыз байланышса болот.