.svg){kind=logo}
Убактылуу тынчтык бүттү. ЦАХАЛ Газа секторуна сокку урдуКыргызстандын ак май экспорту өсүүдөКувейт фонду Кыргызстандын айылдарын таза суу менен камсыздоого грант бөлөт. Президент макулдашууга кол койдуБишкекте КРВИ чалдыккандар көбөйдү — Республикалык жугуштуу оорулар ооруканасы эскертүү бердиОш мэриясы аймактык башкармалыктарга жаңы унаалар тапшырдыКасымалиев шайлоого кийлигишкен мамлекеттик кызматкерлер жоопко тартыларын билдирди
Олимпиада: Бекзат Алмаз уулу коло үчүн өзбекстандык балбан менен күрөшөт
09.08.2024 | 15:15
Эркин күрөш боюнча балбан Бекзат Алмаз уулу Париждеги Олимпиада оюндарынын коло байгеси үчүн күрөшөт.
Алмаз уулу 57 кг салмакта күрөшүүдө. Ал кечээ, 8-августта таймашка чыгып, 1/8 финалдагы биринчи беттешинде казакстандык Мейрамбек Картбайды 4:1 эсебинде уткан. Бирок чейрек финалда америкалык Спенсер Лиге 2:12 эсебинде жеңилген.
Америкалык балбан финалга өткөндүктөн, Бекзат Алмаз уулу көңүл жубатуучу беттешке чыгып, коло үчүн таймашты улантууга мүмкүндүк алган.
Көңүл жубатуучу беттеш бүгүн, 9-августта өтүп, Алмаз уулу кытайлык Ванхао Цзоу менен күрөштү. Ал беттештин биринчи бөлүгүндө атаандашын тушеге басып жеңишке жетти.
Эми ал коло үчүн өзбекстандык Гуломжон Абдуллаев менен күрөшөт.
Беттештер саат 23:30да башталат.
