Бир күн мурун социалдык түйүндөрдө бир адам көчөдөн жакын жерден бирөөнө ок чыгарган видео пайда болгон. Бүгүн, 14-март күнү Ички иштер министрлиги окуя туурасында Reporter.kgге айтып берди.

Маалыматка караганда, видеодо насыя алуучу насыя берүүчүнү көчөдөн аткан. Ал травматикалык тапанчадан эки жолу ок чыгарган. Жабырлануучу Кара-Суу районунун 33 жаштагы тургуну бутунан жаракат алып, ооруканага жаткырылды.

Ал эми А.У. аттуу 36 жаштагы тургун кармалып, убактылуу кармоочу жайга киргизилди. Ал дагы Кара-Суу районунун тургуну.

Окуя боюнча “Адам өлтүрүүгө аракет кылуу” беренеси менен иш козголду.