“Ош” эл аралык аэропортунда эки чет элдик жаран 20 миң доллар жасалма акча менен кармалды. Бул тууралуу Улуттук коопсуздук мамлекеттик комитетинен билдиришти.

Маалыматка караганда, шектүүлөр 17-майда Түркиядан Ош шаарына учуп келген. Алар көзөмөл-өткөрмө жайдан өтүп жатканда кармалган. Алардын жанынан 20 миң доллар жасалма акча табылып алынган.

Кармалгандар 37 жаштагы Ф.А. жана 35 жаштагы Ш.Н. аттуу адамдар.

Бул фактыга байланыштуу Кылмыш-жаза кодексинин 233-беренесинин 2-бөлүгүнүн 1-пункту (Акчаны жана баалуу кагаздарды жасалмалоо) боюнча кылмыш иши козголгон.

Учурда бул ишке тиешеси бар адамдарды аныктоо иштери жүрүүдө.

Биздин Телеграм каналга катталыңыз