Баткендеги чек арадан Өзбекстандан ташылып келе жаткан 7 тонна насвай аныкталды. Бул тууралуу Бажы кызматынан билдиришти.

Маалыматка караганда, аткезчиликке каршы иш-чаралардын алкагында Кадамжай районунун Бүргөндү айылында чек арачылар жана бажы кызматкерлери тарабынан Кыргызстандын жараны Э.У.нын башкаруусундагы «КамАЗ» үлгүсүндөгү унаа кармалган.

Унааны текшерүү учурунда 7 тонна насвай табылган. Жүк Кыргызстандын аймагына андан ары сатуу үчүн Өзбекстандын Чоң-Гара анклавынан мыйзамсыз ташылып келгени белгилүү болгон.

Тиешелүү документтер толтурулгандан кийин айдоочу жана жүк кошумча иликтөө жүргүзүү үчүн Каржы министрлигине караштуу Мамлекеттик бажы кызматынын аймактык бөлүмүнүн кызматкерлерине өткөрүлүп берилди.

Биздин Телеграм каналга катталыңыз