Борбордук шайлоо комиссиясы (БШК) шайлоого катышууну көздөгөн саясий партиялар 3 күндүн ичинде жазуу түрүндө билдирүү жөнөтүүгө милдеттүү экенин маалымдады.

Маалыматка ылайык, Конституциялык мыйзамдын 60-беренесине ылайык, Жогорку Кеңештин депутаттарын шайлоо дайындалгандан тартып 3 календардык күндүн ичинде партиялар талапкерлерин көрсөтүү ниети тууралуу БШКга билдиришет.

Билдирүүдө партиянын ыйгарым укуктуу өкүлү тууралуу маалымат камтылып, ага төмөнкү документтер тиркелет:

• партиянын каттоо күбөлүгүнүн көчүрмөсү;
• уставдын нотариалдык күбөлөндүрүлгөн көчүрмөсү;
• жетекчинин паспорту;
• ыйгарым укуктуу өкүлдөрдүн тизмеси жана арыздары;
• алардын паспорттук көчүрмөлөрү.

Билдирүүгө партиянын жетекчиси кол коюп, мөөр менен бекитилиши зарыл.

Эскерте кетсек, кечээ Жогорку Кеңеш өзүн-өзү таратуу чечимин кабыл алган.