Президенттин Жалал-Абад облусундагы ыйгарым укуктуу өкүлү Тилек Текебаев Сузак районунун Көк-Арт айыл аймагындагы иштердин жүрүшү менен таанышты.
Ведомствонун маалыматына ылайык, учурда темир жол өтүүчү аймакка электр чубалгыларын тартуу иштери 95%га бүттү.
Узундугу 12 километр болгон тоннелди, эки жумушчу шаарчасын жана темир-бетон конструкцияларын чыгаруучу заводду куруу боюнча иштер жүрүп жатат.
Курулушка 200дөн ашык адам жана атайын техникалар тартылган.
Текебаев экологиялык нормаларды сактап, бардык иштерди өз убагында бүтүрүү зарылдыгын белгиледи.
