Бишкектеги “Ала-Арча-1” мамлекеттик резиденциясында Владимир Путин менен Садыр Жапаровдун жолугушуусу башталды.

Өлкө жетекчилерин Ардактуу кароол тосуп алып, эки өлкөнүн гимни ойнолду.

Эки тараптын делегация мүчөлөрү менен таанышуу учурунда Россия жетекчиси Садыр Жапаровдун Тышкы иштер министри Сергей Лавров, пресс-катчысы Дмитрий Песков менен тааныштыгын сурады. “Таанышпыз”, – деп жооп берди Жапаров.

Тосуп алуу салтанатынан кийин өлкө башчылары мамлекеттик резиденциядан “Ата-Бейит” мемориалдык көрүстөнүнө жөнөп кетишти. Андан кийин президенттер тар жана кенен чөйрөдөгү жолугушууларды улантат.

Владимир Путин эртең КМШ өлкөлөрүнүн башчыларынын саммитине дагы катышат.

Бул Россия жетекчисинын тогуз айдан берки биринчи чет өлкөгө расмий сапары.

Биздин Телеграм каналга катталыңыз