Президент Садыр Жапаров 2-4-октябрь күндөрү Италияга жана Ватиканга расмий сапар менен барат. Бул тууралуу президенттин администрациясынын тышкы саясат бөлүмүнүн башчысы Муратбек Азымбакиев билдирди.
Сапардын алкагында 3-октябрда Садыр Жапаров Италиянын президенти Сержо Маттарелла, Министрлер кеңешинин төрагасы Жоржа Мелони, Депутаттар палатасынын төрагасы Лоренцо Фонтана жана Сенаттын төрагасы Иняцио Ла Русса менен жолугуп, сүйлөшүү өткөрөт.
Ал эми 4-октябрда Жапаров Рим папасы Франциск менен жолугат.
