Футбол боюнча дүйнө чемпионатына тандоо оюндарынын үчүнчү баскычынын алкагында Кыргызстандын курамасы октябрда эки беттеш өткөрөт. Бул тууралуу Кыргыз футбол биримдигинен билдиришти.

Кыргызстан 10-октябрда Катар менен конокто жана 15-октябрда Түндүк Корея менен Бишкекте ойнойт.

Курама алдыдагы оюндарга 3-октябрдан тарта даярдык көрө баштайт. Машыгуулар Сауд Арабиянын Жидда шаарында өтөт. Команда 8-октябрда Катарга бет алат.

Эскерте кетсек, Дүйнө чемпионатына тандоо оюндарынын үчүнчү баскычынын алкагында буга чейин Кыргызстан 2 беттеш өткөрдү. Эки оюнда тең жеңилип, бир да упай ала элек.