Жаңы шайланган өлкө башчы Садыр Жапаровдун инагурациясына экс-президент Сооронбай Жээнбеков чакырылды. Бул тууралуу мамлекет башчынын маалымат катчысы Галина Байтерек билдирди.
Ал Кыргызстандын мурдагы башчыларынын бардыгы Жапаровдун инагурациясына чакырылганын айтты.
«Президенттикке койгон бардык талапкерди дагы чакырдык», — деди ал.
Буга чейин чет мамлекеттерден бир гана Казакстандын экс-президенти Нурсултан Назарбаев чакырылганы белгилүү болгон.
Эскерте кетсек, Садыр Жапаровдун инагурациясы 28-январда Бишкекте Токтогул Сатылганов атындагы Кыргыз улуттук филармониясында өтөт.
