Жогорку Кеңештин Бюджет жана фискалдык саясат боюнча комитетинин жыйынында Мамлекеттик салык кызматынын төрагасы Алмамбет Шыкмаматов кант кошулган суусундуктарды көзөмөлдөөнүн зарылдыгын белгиледи.

Анын айтымында, мындай суусундуктар адамдын ден соолугуна дароо таасир бербегени менен, узак мөөнөттүү колдонууда олуттуу кесепеттерге алып келет.

«Бүгүн ичип, эртең эч нерсе болбойт деп ойлошот. Бирок 10–15 жылдан кийин өнөкөт ооруларга, онкологиялык ооруларга себеп болот. Айрыкча балдар жасалма суусундуктарды көп керектешет. Бул коомдун ден соолугуна чоң зыян», — деди Шыкмаматов.

Ал салык кызматы мындай суусундуктарды чектөө жана көзөмөлдөөнү күчөтүү үчүн катуу чараларды көрүү ниетин билдирди.