Кыргызстандын товарлардын тышкы жана өз ара соодасынын көлөмү 2025-жылдын январь-июлунда 8,66 млрд долларды түздү. Бул көрсөткүч 2024-жылдын ушул мезгилине салыштырмалуу 6,4%га төмөн. Бул тууралуу Улуттук статистика комитети билдирди.

Маалыматка ылайык, экспорттук жөнөтүүлөр 13,3%га, ал эми импорттук келип түшүүлөр 4,8%га төмөндөгөн.

Ал эми 2025-жылдын январь-июлунда Кыргызстандын ЕАЭБге мүчө мамлекеттер менен өз ара сооданын көлөмү 2,91 млрд долларды түзүп, 2024-жылдын ушул мезгилне салыштырмалуу 3,2%га көбөйгөн. Бул мезгилде өлкөнүн өз ара соодасынын эң көп үлүшү Орусиягы (65,6%) жана Казакстанга (32,2%) туура келген.