Рыскелди Момбековдун Жогорку Кеңешке депутаттыкка талапкер катары каттап бер деген өтүнүчүн Бишкек шаарынын административдик соту канааттандырган жок. Бул туурасында Борбордук шайлоо комиссиянын расмий сайтына жарыяланды.
БШК 20-январдагы отурумунда Рыскелди Момбековду №27 Биринчи май шайлоо округунан Жогорку Кеңештин депутаттыгына талапкер катары каттоодон баш тарткан. Буга анын жогорку билими тууралуу алган диплому УКМК мыйзамсыз деп тапканы себеп болгон.
Момбеков БШКнын бул чечимине макул болбой, ал чечимди жокко чыгаруу арызы менен Бишкек шаарынын административдик сотуна кайрылган.
