Сузак районуна караштуу Сафаровка айылынын Ж.Бөкөнбаев №1 атындагы мектебинин информатика сабагынан берген мугалими кол көтөргөн окуучу кыздын апасы окуя тууралуу журналисттерге айтып берди.

Анын айтымында, бул окуя боюнча мектепте ызы-чуу чыгып, ата-энелер чогулушка чакырылган. Ошондой эле, алгач мугалим окуучунун үйүнө келип, окуянын чоо-жайын түшүндүрүп, кечирим сураган.

Буга чейин социалдык тармактарда тараган видео боюнча Жалал-Абад облустук милициясы билдирүү таратып, окуянын чоо-жайы териштирилгенин жана мугалимди суракка алганын маалымдаган.

Андан соң мугалим окуучуга кол көтөргөнү үчүн жумуштан бошотулганын райондук билим берүү бөлүмүнөн билдиришкен.