Жалал-Абаддын Сузак районунда кыргыз-өзбек чек арасы аркылуу аткезчилик жүктү ташуу, чек арадан мыйзамсыз өтүү үчүн казылган тоннель табылды. Бул тууралуу УКМКнын маалыматы кызматы билдирди.

Тоннель Бек-Абад айылынын тургунунун үйүнөн табылган. Анын тереңдиги 15 метрге, узундугу 130 метрге жетет. Ал эми бийиктиги 1,7 метрди түзөт.

Аталган факт боюнча аткезчилик каналын уюштурган делип 38 жаштагы үйдүн ээси Э.А. кармалды. Учурда бул ишке тиешеси бар адамдарды, тоннель аркылуу ташылган товарларды жана чек арадан мыйзамсыз өткөн кишилерди аныктоо боюнча иштер жүрүүдө.

УКМК булфакт боюнча маалыматы бар жарандарды 0995 012 210 (WhatsApp/Telegram) номери аркылуу кабар берүүгө чакырат.