Бишкек шаарынын тамактануучу жайларынын биринде телефон уурдоого шектелип, 37 жаштагы жаран кармалды. Бул тууралуу шаардын Ленин райондук милициясы кабарлады.
Маалыматка ылайык, 28-март күнү милицияга аял киши кайрылып, 25-марта болжол менен саат 15:45 — 16:30 аралыгында тез тамактануучу жайлардын биринде белгисиз адам анын «Poco C65» үлгүсүндөгү уюлдук телефонун уурдап кеткенин билдирген.
Аталган факт боюнча Кылмыш-жаза кодексинин 205-беренеси (уурулук) боюнча кылмыш иши козголгон.
Ыкчам тергөөнүн жыйынтыгында, шектүү катары 37 жаштагы М.М. атуу жаран кармалып, убактылуу кармоочу жайга камалды.
Учурда тергөө иши жүрүп жатат.