Кримтөбөл Камчы Көлбаевдин уюшкан кылмыштуу тобунун мүчөсү акча опузалоого шектелип кармалды. Бул тууралуу Улуттук коопсуздук мамлекеттик комитетинен билдиришти.
Маалыматка караганда, Н.С.Т. аттуу адам 2021-жылы сентябрь айында өлкө жаранын коркутуп, «Мерседес S500» унаасын жана 17 миң доллар акчасын тартып алган.
Шектүү катары кармалган Н.С.Т. убактылуу кармоочу жайга камакка алынды.
Ал мурда бир нече жолу соттолгон, ИИМде Камчы Көлбаевдин кылмыштуу тобунун мүчөсү катары каттоодо турат.
Учурда бул ишке тиешеси бар башка адамдарды аныктоо боюнча иштер жүрүүдө.
Эскерте кетсек, 6-июлда УКМК Камчы Көлбаевдин кылмыштуу тобундагы «Чач» каймана аты менен таанымал Эрнис Мурзахметов кармалганын кабарлаган.
Биздин Телеграм каналга катталыңыз
