Баткен облусунун Лейлек районунун Көк-Таш айылында чек арага жакын жерде кыз-келиндер арасында футбол боюнча мелдеш өттү. Бул тууралуу уюштуруучу жана активист Гази Бабаярова билдирди.
Анын айтымында, беттешке 10 команда катышты.
“Кыз-келиндер арасындагы футбол боюнча мелдеште “Алга!” командасы 1-орунду, “Бий Тоо” командасы 2-орунду “Ынтымак” командасы 3-орунду ээледи. Жеңүүчү команданын эң улуу катышуучусу 62 жашта”, — деди ал.
Ошондой эле, ал кыз-келиндер дайыма футбол оюндарын уюштуруп турууну суранып жатканын белгиледи.
“Жыл сайын ушундай беттешке аялдар командаларын чогултууну пландап жатам. Келерки жылы оюндарга Баткен районунун башка айылдарынан да катышуучуларды кошобуз», — деди ал.
Буга чейин футболчу Айдана Оторбаева Баткендин Көк-Таш айылында аялдар арасында футбол боюнча турнир өтөөрүн билдирип, алардын машыгып жаткандыгы боюнча видео жарыялаган.
28-го июля в селе Кок-Таш Лейлекского района пройдёт турнир по женскому футболу.
Вы только посмотрите как женщины усердно готовятся к играм, а главное кайфуют ? В этом году будет участвовать аж 10 команд ?? pic.twitter.com/5PNIZWgoiF— Aidana Otorbaeva (@aidashka7) July 25, 2022
Бардык жаңылыктар Телеграм каналда
