Айыл чарба министрлигине караштуу Ветеринардык кызмат азыр заманбап маалымат иштетүү борборун ишке киргизди. Бул борбор агрардык тармактагы санариптик системалардын иши үчүн негизги аянтча болот. Бул тууралуу ведомстводо билдиришти.

Долбоор Кореянын эл аралык кызматташтык агенттигинин (KOICA) колдоосу менен ишке ашырылып, жаныбарлардан алынган продукциянын кыймылын көзөмөлдөөгө багытталган интеллектуалдык системаны түзүү программасынын бир бөлүгү болуп саналат. Жаңы дата-борбор маалыматтарды коопсуз сактоону жана бардык ветеринардык санариптик сервистердин туруктуу иштешин камсыздайт.

ЦОД базасында бир катар негизги платформалар иштейт, анын ичинде:
• Жаныбарларды идентификациялоо жана көзөмөлдөө системасы (СИОЖ);
• Автоматташтырылган маалыматтык система «Санарип VET»;
• Ветеринардык тармакты башкарууну колдогон башка адистештирилген сервистер.

Ведомствонун маалыматына караганда, дата-борбордун ишке кириши эт жана сүт продукциясынын айлануусунун ачыктыгын жогорулатат, алардын сапатын көзөмөлдөөнү жеңилдетет жана эпизоотикалык кырдаалды мониторингдөөнү өркүндөтөт.

Санариптик инфраструктураны техникалык тейлөө жана коштоону «АгроСмарт» мамлекеттик мекемеси жүргүзөт. Адистер ведомстволук системаларды улуттук платформалар менен интеграциялоого жана агрардык сектор үчүн санариптик чечимдерди андан ары өнүктүрүүгө жооптуу болушат.