Япония Баткендеги жолдорду оңдоого 5,1 млн доллар грант берет. Тиешелүү макулдашууну ратификациялоо жөнүндө мыйзамга президент Садыр Жапаров кол койду.

Долбоордун алкагында 53 даана жол тейлөө жана жол куруу машиналарын жана жабдууларын, анын ичинде асфальт-бетон заводу үчүн жабдууларды жана таш майдалагычты алып келүү каралган.

“Баткен облусунун жолдорун тейлөө жана тротуар үчүн жабдууларды жакшыртуу” долбоору облустун аймагындагы автомобиль жолдорун жана тротуарларды, ошондой эле эл аралык маанидеги автожолдорду камтыйт.

Биздин Телеграм каналга катталыңыз