Балыкчы-Бөкөнбаев-Каракол унаа жолунун 89-чакырымында Volkswagen Golf III үлгүсүндөгү унаанын айдоочусу рулга ээ боло албай жолдон чыгып бакты сүзгөн. Бул туурасында Өзгөчө кырдаалдар министрлигинен билдирди.
Маалыматка караганда, кырсыктын кесепетинен 2 адам (1990-ж.т. А. уулу Н эркек, 1 аял -аты-жөнү такталууда) жабыркаган. Жерине 4 куткаруучу тартылып, бирок куткаруучулар жеткенге чейин жабыркагандарды тез жардам кызматы Тоң райондук ооруканага алып кеткен.