Туристтик сезондо Ысык-Көл облусунда атайын операциянын жүрүшүндө кылмыш иликтөө кызматкерлери тарабынан чөнтөкчүлөр тобу кармалды.  Бул тууралуу ИИМден билдиришти.

Маалыматка караганда, «Гастролер» деп аталган кылмышкерлер 7-8-июлда Бостериге келип, топторго бөлүнүп, коомдук жайларда кылмыш кылышкан.

8-июль күнү Ысык-Көл облусунун аймагынан милиция кызматкерлери тарабынан кылмышка шектүүлөр бара жаткан «Ауди А-6» үлгүсүндөгү унаа кармалган. Унаанын салонун текшерүү учурунда уурдалган 6 уюлдук телефон табылган. Шектүүлөрдүн жашаган жерин тинтүү учурунда дагы 2 даана телефон жана 95 миң сомдон ашык уурдалган акча табылган.

[image_carousel source=”media: 212081,212082,212083,212084,212085,212086,212087,212088,212089,212090,212091,212092,212093,212094″ limit=”20″ slides_style=”photo” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”no”]

Аталган кылмыш ишинин алкагында 10 шектүү Тергөө бөлүмүнө жеткирилген. Алар: Талас облусунун тургуну 1998-жылы туулган А.А. (ушул кылмыштуу топтун лидери), Нарын облусунун тургуну 1992-жылы туулган К.Э., Талас облусунун тургуну 1993-жылы туулган А.Т., Ош облусунун тургуну 1988-жылы туулган А.Т., Чуй облусунун тургуну 1997-жылы туулган Ж.Д., Ош облусунун тургуну 1992-жылы туулган К.Т., Чуй облусунун тургуну 1994-жылы туулган Ж.Б., Бишкек шаарынын тургуну 1996-жылы туулган Т.Н., Ош облусунун тургуну 1995-жылы туулган М.Н. жана Ош облусунун тургуну 2001-жылы туулган А.А.

Бул кылмышка шектүү жарандардын баардыгы мурда бир нече жолу сот жообуна тартылган, уюшкан кылмыштуу топтун мүчөлөрү катары ИИМдин ыкчам каттоосунда турушат. Уурдалган 8 телефондун ичинен 4 уюлдук телефондун ээлери аныкталган.

Бардык уюлдук телефондор 7-8-июль күндөрү уурдалган. Кылмыш иликтөө кызматкерлери телефондорду ээлерине кайтарып беришкен. Учурда төмөндөгү жараныдрдын ушул сыяктуу башка кылмыштарга тиешеси бар жогу  текшерилип, тергөө иштери жүргүзүлүүдө.

Биздин Телеграм каналга катталыңыз