Ысык-Көл облусунда Кытайдын жараны дайынсыз болуп жатат. Бул тууралуу ӨКМдин басма сөз кызматы билдирди.

Маалыматка караганда, К.Карасаев атындагы Бишкек гуманитардык университетинин 3-курсунун студенти, 22 жаштагы Сай Тун 24-июлда Ак-Суу районунун Ала-Көл жайлоосуна чыгып кеткен боюнча келген эмес. Бул боюнча маалымат 18-августта облустук милициядан Өзгөчө кырдаалдар министрлигинин облустук башкармалыгына атайын кат аркылуу түшкөн.

Мындан улам Каракол шаардык №15 өрткө каршы куткарууу бөлүмүнөн 4 куткаруучу тартылып, облустук ИИБдин кызматкерлери менен биргелекте издөө иштерине жөнөп кетишкен.

Учурда издөө иштери тууралуу кошумча маалымат берилет.

Бардык жаңылыктар Телеграм каналда