Жалал-Абад облусунда унаасына жасалма номер тагып алып, автоээнбаштык жасаган айдоочуга 35 миң сом айып салынды. Бул тууралуу Жол кыймылынын коопсуздугун камсыздоо башкы башкармалыгынан билдиришти.
Белгилүү болгондой, буга чейин соцтармактарга BMW’нын айдоочусу унаасы менен оюн салып, жол эрежесин бузуп жатканы тартылган видео тараган.
Жалал-Абаддын жол тескөөчүлөрү аталган айдоочуну табышкан. Автоээнбаштык үчүн ага 15 миң сом айыппул салынып, унаасы айып короого токтотулган. Ошондой эле ал жасалма номер тагып жүргөндүгү аныкталып, ал үчүн айдоочу дагы 20 миң сом айыпка жыгылган.
Жол эреже бузууларды көрсөңүз, сүрөт-видеону 0777 102 102 номерине жөнөтсөңүздөр болот.
