Беш баланын апасы Элзат Асанова «Жылдын мыкты мугалими — 2025» наамын жеңип алды. Ал Түп районундагы Долон орто мектебинде кыргыз тили жана адабиятынан сабак берет.

Агартуу министрлигинин маалыматы боюнча, Республикалык сынакка жалпы 112 мугалим катышкан. Жобо боюнча наам татыгандарга батир берилет.

Асанова социалдык тармактагы баракчасы аркылуу бардык тараптарга ыраазычылыгын билдирип, кубанычтан көзүнө жаш алганын көрүүгө болот.