Ушул жылдын 6-декабрында Индиянын өкмөтү Кыргызстандын жарандары үчүн электрондук визаларды берүүнү кайра баштады. Бул тууралуу Тышкы иштер министрлигинин басма сөз кызматы билдирди.
Ага ылайык, төмөнкү категориялар боюнча визалар берилет:
- электрондук бизнес виза;
- конференцияга катышуу үчүн электрондук виза;
- электрондук медициналык виза;
- коштоп жүрүүчү адамдар үчүн электрондук медициналык виза;
- электрондук туристтик виза.
Эске салсак, 2020-жылы коронавирус пандемиясына байланыштуу Индия электрондук визаларды берүүнү убактылуу токтоткон.
Бардык жаңылыктар Телеграм каналда
