Ысык-Ата районунда мал уурдоо фактысы катталып, шектүүлөрдүн бири анын баласы экени аныкталган. Бул туурасында Чүй облустук милициядан билдиришти.
Маалыматка караганда, 2021-жылдын 17-декабрь күнү Ысык-Ата райондук милициясына арыз менен 54 жаштагы Н.Б. аттуу жаран арыз менен кайрылып, 10-30-ноябрь убакыт аралыгында үйүнөн меринос породасындагы 23 баш коюн белгисиз бирөөлөр уурдап кеткенин билдирген.
Бул факты кылмыштардын бирдиктүү реестрине катталып, сотко чейинки өндүрүш иштери башталган.
Милиция 29 жаштагы Э.И. жана 30 жаштагы Н.С. аттуулар кармалышкан.
Кармалгандардын бири арыздануучунун баласы экени аныкталып, ал жогорудагы малдарды сатып, бирок атасына айтпагыны маалым болгон.
Учурда териштирүү иштери улантылууда.
