Бишкекте ичинде айдоочусу бар жеңил унаа жолдон чыгып, Чоң Чүй каналына (ЧЧК) түшүп кетти. Учурда окуянын себептери такталууда.

Алдын ала маалыматтар боюнча, окуя Осмонкул көчөсүндө болгон. Жарыяланган кадрлардан унаа дээрлик толугу менен сууга чөгүп кеткенин көрүүгө болот.

Өзгөчө кырдаалдар министрлигинен (ӨКМ) Reporter.kg басылмасына билдиришкендей, кырсыктын кесепетинен эч ким жабыркаган жок. Унаанын айдоочусу ичинен өз алдынча чыгууга үлгүргөн.

Учурда унааны каналдан чыгаруу маселеси каралып жатат.