Баткен облусунун тургундарына 25 жылга чейин жылдык 4 пайыз менен ипотекалык насыялар берилет. Бул тууралуу «Мамлекеттик ипотекалык компания» ААК башкармалыгынын төрайымы Аида Төлөгөнова билдирди.

Анын айтымында, министрлер кабинетинин токтомунун долбоору даярдалып, ага ылайык Баткен облусунун чек ара аймактарында турак жайларды курууну каржылоого МИК 200 миллион сом бөлөт.

Ал белгилегендей, бүгүнкү күндө курулуш үчүн төрт жер аныкталган:

– Аксай айыл өкмөтүндө экиден Бакай жана Керме Тоо участкаларында;

– Лейлекте экиден Кулунду айыл өкмөтүндө Раззаков жана Кулунду айылдарында.

«Ипотекалык насыялар ижара механизми боюнча, кийин төлөө менен берилет», – деди ал.