Бишкектеги кафелердин биринде эркек киши бычакталды. Бул тууралуу Патрулдук милициядан кабарлашты.

Окуя 30-июнь күнү болгон. Милицияга саат 01.07де Жибек Жолу проспектиси менен Будённый көчөсүнүн кесилишинде кафеде коноктордун ортосунда чыр чыгып, бири экинчисин бычак менен сайып жибергени тууралуу маалымат түшкөн.

29 жаштагы жабырлануучу оор абалда ооруканага жеткирилген. Патрулдук милиция кызматкерлери кол салган 33 жаштагы жаранды кармап, Свердлов районунун ички иштер башкармалыгына алып кетишкен.

Окуя электрондук журналга катталып, учурда тергөө иштери жүрүп жатат.