Күрөш боюнча олимпиадалык резервдин адистештирилген балдар-өспүрүмдөр мектебинин жиу-житсу кафедрасынын машыктыруучу-мугалими Абдурахман Муртазалиев АКШда өткөн Дүйнөлүк оюндарда күмүш байгеге ээ болду.

Бишкек шаардык мэриясынын басма сөз кызматы маалымдагандай, спортчу турнире жолдомону дүйнөлүк рейтингдин жыйынтыгы менен алган.

Дүйнөлүк оюндар ушул жылдын 10-15-июль күндөрү Бирмингемде (Алабама, АКШ) өткөн.

А.Муртазалиев үчүн бул оюндар анын карьерасындагы экинчи оюндар болду. Ал буга чейин 2017-жылы Дүйнөлүк оюндарга катышкан.