Кыргызстандык Үзүр Жузупбеков Түркияда өтүп жаткан Ислам тилектештик оюндарында күмүш медаль тагынды.

Ал 12-августта грек-рим күрөшү боюнча мелдеште 97 килограммга чейинки салмак ченинде күч сынашкан.

Жузупбеков 1/8 финалдан баштап, катары менен 3 жеңишке жетип, финалга чыкты.

Чечүүчү беттеште кыргызстандыктын атаандашы өзбекстандык Рустам Ассакалов болду. Таймашта  Өзбекстандын балбаны жеңип, жеңүүчү аталса, Жузупбеков күмүш байгени илди.

Бул медаль Кыргызстан үчүн Түркиядагы оюндарда тогузунчу медаль болду – 3 алтын, 4 күмүш жана 2 коло.

Ислам тилектештик оюндары бешинчи жолу өтүп жатат. 2021-жылы, коронавирус пандемиясынан улам алар 2022-жылдын августуна жылдырылган болчу.

Бардык жаңылыктар Телеграм каналда