Бүгүн, 22-сентябрь күнү Улуттук энергетикалык холдинг башкармалыгынын төрагасы Нурлан Садыков «Кыргызстандын улуттук электр тармагы» ААКтын жамаатына жаңы башкы директор Алтынбек Рысбековду тааныштырды.
«Кыргызстандын улуттук электр тармагы» ААК директорлор кеңешинин чечими менен Алтынбек Рысбеков компаниянын башкы директору болуп дайындалды. Буга чейин бул кызматты аркалап келген Жумаев Медетбек Эргешовичтин ыйгарым укуктары токтотулду.
Маалымат үчүн: “Кыргызстандын Улуттук электр тармагы” ААК – электр энергиясын өлкө боюнча турак жайларга жана ири өнөр жай керектөөчүлөрүнө ташып жана бөлүштүрүүчү энергетикалык компания. Компания ошондой эле Кыргызстандын улуттук энергетика системасын борборлоштурулган оперативдүү жана диспетчердик башкарууну ишке ашырган системалык оператор болуп саналат.
РЕЗЮМЕ
Рысбеков Алтынбек Дурусбекович
1978-жылы 6-июнда Жалал-Абад областынын Алабука районундагы Тенги айылында туулган.
2000-жылы Ош технологиялык университетин бүтүргөн.
Адистиги: Айыл чарбасын электрлештирүү жана автоматташтыруу.
Эмгек ишмердүүлүгү
2000-2002: Оштогу электр тармактар ишканасынын подстанция кызматынын электр монтеру.
2002-2005: Оштогу электр тармактар ишканасынын «Үч-Дөбө» көмөкчордонунун нөөмөт кызматкери, «Памирская» көмөкчордонунун нөөмөт кызматкери, Ош жогорку вольттогу электр тармактар ишканасынын Түштүк подстанцияларынын бригадири.
2005-2008: Оштогу жогорку вольттуу электр тармактар ишканасынын Түштүк группасынын подстанциясынын башчысы.
2008-2009: Оштогу жогорку вольттуу электр тармактар ишканасынын оперативдик диспетчердик кызматынын башчысы.
2009-2009: Оштогу жогорку вольттуу электр тармактар ишканасынын подстанциясынын түштүк тобунун башчысы.
2009-2010: Ош жогорку чыңалуудагы электр тармактар ишканасынын подстанция кызматынын башчысынын орун басары.
2010-2012: Оштогу жогорку вольттуу электр тармактар ишканасынын капиталдык курулуш бөлүмүнүн башчысы.
2012-2017: «Кыргызстан улуттук электр тармагы» ААКнын Оштогу жогорку чыңалуудагы электр тармактар ишканасынын (Ош филиалы) капиталдык курулуш жана жалпы маселелер боюнча директорунун орун басары.
2017-2019: «Кыргызстандын улуттук электр тармагы» ААКнын башкы директорунун орун басары.
2019-2021: «Кыргызстандын улуттук электр тармагы» ААК башкы директорунун биринчи орун басары.
2021-2022: «Кыргызстандын улуттук электр тармагы» ААК директорунун Чүй филиалынын директору.
04.2022 -06.2022 «Кыргызстандын улуттук электр тармагы» ААКнын капиталдык курулуш жана инвестициялар боюнча башкы директорунун орун басары.
09.2022 «Кыргызстандын улуттук электр тармагы» ААКнын башкы директору.
Биздин Телеграм каналга катталыңыз
