Баткен облусунун Кызыл-Кыя шаарында жайгашкан «Азамат» жеке билим берүү комплексинин жаңы имараты курулат.
Өкүлчүлүктүн маалыматына караганда, имараттын курулушу орус-кыргыз өнүктүрүү фонду тарабынан колдоого алынат.
Бул мекемеде квалификациялуу кызматкерлер жумуш алып барышат. Ошондой эле билим берүү уясы инновациялык жабдуулар менен жабдылган заманбап мектеп. Жаңы имаратка муктаждыгы бар мектеп жамааты орус-кыргыз өнүктүрүү фондуна 1380 чарчы метр аянттагы үч кабаттуу объектинин курулушун каржылоо өтүнүчү менен кайрылган.
Белгилей кетсек, Баткен облусунун мектептеринде окуучулардын саны көп. Окуучулардын саны белгиленген ченемден 1,7 эсеге ашат. Бул долбоорду ишке ашыруу менен маселе жарым-жартылай чечилет. Жаңы жумуш орундары түзүлүп, бюджетке салык төлөмдөрү көбөйөт.
Бул көйгөйлөрдүн баарын эске алуу менен ОКӨФду «Азамат» окуу-тарбия комплексинин кайрылуусун колдоого алып, долбоорду ишке ашыруу үчүн жеңилдетилген насыя бөлгөн.
Жаңы имарат 200 орунга ылайыкташып, 18 окуу бөлмөсү жана спорт залы менен курулат. Мектеп бардык керектүү жабдуулар жана эмеректер менен жабдылган. Ал жерде чет тилдерге жана инсандын ар тараптуу өнүгүүсүнө басым жасоо менен жогорку деңгээлдеги билим берүү кызматтары көрсөтүлөт.
Биздин Телеграм каналга катталыңыз
