29-апрелде Бишкек шаарынын 148 жылдыгына карата борбордук Ала-Тоо аянтында майрамдык иш-чаралар өтөт. Бул тууралуу борбор калаанын мэриясы кабарлады.

Майрамдык программа саат 18:00дө мэриянын Маданият башкармалыгынын чыгармачыл жамааттарынын концерти менен башталат.

Саат 19:00дө «Вальс кечеси» конкурс-фестивалы өткөрүлөт. Ага профессионалдык жана ышкыбоз хореографиялык жамааттар катышат. Иш-чаранын алкагында каалоочулар үчүн жалпы вальс бийи уюштурулат.

Майрамдык кече масштабдуу концерттик программа менен жыйынтыкталат. Мэрия шаар тургундарын жана конокторун майрамдык иш-чарага катышууга чакырат.