Кыргызстанда мал-жандыкка салык киргизүү сунушталды. Мындай сунушун бүгүн, 3-ноябрда Жогорку Кеңештин жыйынында депутат Жеңишбек Токторбаев билдирди.
Ал учурда, айылда жарандардын үйүндөгү шарттар оңолгонун айтты. Ал билдиргендей, статистика боюнча Кыргызстанда 2 млн жакын ири мүйүздүү мал, 700 миңге жакын жылкы, 8 млн ашык кой бар.
«Кудайга шүгүр, айыл жергесинде элибиз байыды, үчтөн-төрттөн унаалары бар. Айылдагылар шаардагылардан кем эмес жашап калды. Мен да айылдык баламын. Жылкыга, ири мүйүздүү мал, койго салык киргизүү тууралуу оюмду айткым келет. Учурда жылкынын орточо баасы – 70-100 миң, ири мүйүздүү малдыкы – 60-80 миң сом жана койдуку – 12-18 миң сом. Койго жылына 100 сомдон, ири мүйүздүү мал менен жылкыга 250 сомдон салык киргизсек, айыл өкмөттөргө 1,5 млрд сом каражат түшөт», — деди ал.
Биздин Телеграм каналга катталыңыз
