Кыргызгидромет агенттиги 26-ноябрга чейин күтүлгөн аба ырайы тууралуу маалымат берди. Ага ылайык, абанын айлык орточо температурасы нормадан бир градус төмөн болсо, жаан-чачындын айлык көлөмү нормага жакын болушу ыктымал.
Чүй облусу
21-22-ноябрда көпчүлүк аймактарда жамгыр, кар, тоо этектеринде жана тоолуу райондордо кар жаайт. 23-ноябрда айрым жерлерде жаан жаашы күтүлөт, 24-ноябрда күн ачык болот. 25-ноябрда айрым жерлерге жамгыр, тоолорго кар жааса, 26-ноябрда кайра күн ачылат.
Талас облусу
21-22-ноябрда көпчүлүк аймактарга жамгыр, тоо этектеринде жана тоолорго кар жаайт. 23-26-ноябрь күндөрү жаан-чачын күтүлбөйт.
Ош облусу
Өлкөнүн түштүк регионунун борборунда апта башынан аягына чейин күндүн көзү бузулбай, ачык бойдон турат.
Жалал-Абад облусу
21-22-ноябрда айрым жерлерде жаан жаап, тоо этектерине жана тоолорго кар түшөт. 23-ноябрда күн ачылып, 25-ноябрга чейин өзгөрүүсүз турат. 26-ноябрда тоолуу райондордо кар жаашы ыктымал, дыйканчылык аймактарда жаан-чачын болбойт.
Баткен облусу
Бул аптада облустун бардык аймактарында жаан жаабайт. Батыштан соккон шамалдын ылдамдыгы секундасына 4-9 метрге жетет.
Ысык-Көл облусу
21-22-ноябрда айрым жерлерде кар жаайт. 23-ноябрда кээ бир жерлерде жамгыр, тоолуу райондордо кар жаайт.
24-25-ноябрь күндөрү жаан-чачын күтүлбөйт. 26-ноябрда тоолуу аймактарда кар жаайт.
Нарын облусу
20-23-ноябрда айрым жерлерде кар жаашы күтүлөт. Ал эми 24-ноябрда күн ачылып, 26-ноябрга чейин жаан жаабайт.
Биздин Телеграм каналга катталыңыз
