Кыргызстандын Россиядагы элчилиги Москва облусундагы «OZON» компаниясынын кампасында иштеген кыргыз жарандарынын менингит менен жапырт ооруп жатканы боюнча окуяга байланыштуу төмөндөгүлөрдү билдирет.

Алынган маалымат боюнча Истра аймактык клиникалык ооруканасына КРнын 3 жараны жана Красногорск шаардык №1 ооруканасына КРнын 5 жараны жаткырылган. Алардын абалы канааттандырарлык деп бааланууда. Учурда Роспотребнадзор тарабынан текшерүү жүргүзүлүп, оорулуулардан тиешелүү анализдер алынууда.

Аталган жерге барган Элчиликтин кызматкери «OZON» компаниясынын, Роспотребнадзордун жана медициналык мекемелердин өкүлдөрү менен жолугушту.

Бул маселе Элчиликтин көзөмөлүндө.

Телеграм каналыбызга каттала кетиңиз