Кыргызстанда үч күн аралыгында ашууларда кар көчкүсү түшөт. Бул тууралуу Өзгөчө кырдаалдар министрлигинен билдирди.
Маалыматка караганда, 9-февралдан 11-февралга чейин күтүлүп жаткан жаан-чачынга байланыштуу Кыргызстандын тоолуу райондорунда, Бишкек-Ош унаа жолунун 121-138 чакырымдарында (Төө-Ашуу ашуусу), 198-265 чакырымдарында (Чычкан капчыгайы, Ала-Бел ашуу ашуусу ), Суусамыр-Талас-Тараз 1-14 чакырымдарында, (Өтмөк ашуусу), Мырза-Аке-Кара-Кулжа-Алайкуу унаа жолунун 70-107 чакырымдарында, Ала-Бука-Каныш-Кыя унаа жолунун 68-113 чакырымдарында (Чапчыма ашуусу) жана Красная-Горка-Акташ унаа жолунун 2 чакырымдарында кар көчкү түшүүcү жана кар күрткүсү күтүлөт, жолдор тайгак болуп муз тоңот.
“Унаалардын ортосундагы 500 метр аралык кыймыл чектелиши зарыл”- деп айтылат билдирүүдө.
Биздин Телеграм каналга катталыңыз
