Түркиядагы жер титирөөдөн кийин издөө-куткаруу иштери үчүн Кыргызстандан барган ӨКМ кызматкерлери жергиликтүү убакыт боюнча саат 17:30га карата 10 адамдын сөөгүн тапты. Бул тууралуу министрликтен билдиришти.
Маалыматка караганда, издөө-куткаруу иштеринин натыйжасында сегиз адамдын сөөгү табылып, урандылардын алдынан чыгарылган. Ошондой эле, эки адамдын сөөгү кинологдордун иттеринин жардамы менен табылып, урандылардын астынан чыгаруу иштери жүргүзүлүүдө.
Издөө-куткаруу иштери түнү менен да уланып, куткаруучулар эки объектиде иш алып бара тургандыгы айтылды.
Эскерте кетсек, кыргызстандык куткаруучулар Кахраманмараш шаарында иштөөдө.
Түркия: Кыргызстандык куткаруучулар издөө иштерине киришти — видео
Биздин Телеграм каналга катталыңыз
