Бишкекте өзүн-өзү өрттөөгө аракет кылган кишинин абалы оор экенин Саламаттык сактоо министрлигинен билдиришти.
Маалыматка караганда, ал денесинин 80%ынан күйүк алган.
Белгилей кетсек, кырсык бүгүн, 28-февраль күнү Киев менен Шопоков көчөлөрүнүн кесилишинде Кыргыз-Орус Славян университетинин алдында болгон.
Reporter.kg’ге Свердлов райондук милициясынан билдиришкендей, аларга өзүнө өрт койгон жаран тууралуу маалымат 15:50дө келип түшкөн. Жерине тергөө-ыкчам тобу барып, алдын ала аныкталгандай, белгисиз жаран өзүн-өзү өрттөгөн. Учурда анын себеби такталууда.
Окуя жерине тез жардам чакырылып, жабыркаган жаран ооруканага жеткирилген.
Аталган факт каттоого алынып, милиция териштирүү иштерин жүргүзүүдө.
Кийин ал 1979-жылы туулган үй-жайы жок А.Р. экени аныкталган жана Тез жардам ооруканасынын күйүк бөлүмүнө жаткырылган.
Биздин Телеграм каналга катталыңыз
