Бишкек шаарында жайгашкан 2 кабаттуу имараттан чыккан өрт саат 19:04тө толук өчүрүлдү. Бул тууралуу Өзгөчө кырдаалдар министрлиги билдирди.
Маалым болгондой, борбор калаанын Элебесов жана Щербаков көчөлөрүнүн кесилишинде жайгашкан 2 кабаттуу имараттан өрт чыккандыгы тууралуу маалымат түшкөн.
Имараттын 1-кабатында дүкөн, ал эми 2-кабатында тигүүчү цех жайгашкан. Өрт имараттын чатырын жана 2-кабатын каптаган.
Өрттү өчүрүүгө саат 16:37ден тарта ӨКМден жалпы 3 бөлүм жана Штаб тартылган. Тилсиз жоо саат 17:37де чектөөгө алынган. Такталган маалымат боюнча жабыркагандар жок.
Биздин Телеграм каналга катталыңыз
