Москвадагы кафелердин биринде ифтар учурунда кармалган кыргызстандыктар бошотулду. Бул тууралуу Кыргызстандын Орусиядагы элчилигинин басма сөз кызматы билдирди.
Дипломатиялык өкүлчүлүктөн билдиришкендей, Москванын Таган районунун полициясы тарабынан кармалган Кыргызстандын жарандары Россиянын аймагынан депортациялоо түрүндөгү административдик жазасыз бошотулган.
«Ошол эле учурда алар тамак-ашсыз жана суусуз кармалып турганы тастыкталган жок», — деп кошумчалашты элчиликтен.
Белгилей кетсек, буга чейин социалдык тармактарда Москвадагы кафелердин биринде Кыргызстандын бир нече жараны кармалганын жазышкан. Алар ифтар үчүн чогулушкан.
Биздин Телеграм каналыбызга катталыңыз
