2024-жылдын бюджетинде коргоо тармагына каржылоону көбөйтүү зарыл. Бул тууралуу Жогорку Кеңештин жыйынында депутат Таалайбек Сарыбашов билдирди.
Ал дүйнөнүн бир нече аймактарында согуш жүрүп жатканын белгилеп, аткаруу бийлигин жарандык коргонууга көңүл бөлүп, бомбадан калкалануучу жайларды түзүүгө чакырды.
“Куралданууга акчаны көбөйтөлү. Жарандар үчүн коопсуз жайларды түзүү боюнча стратегиялык чараларды көрүш керек”, — дейт эл өкүлү.
Таалайбек Сарыбашов жаштарды аскерге кызмат өтөөгө үндөөнү дагы сунуштайт.
“Бир класстан 30 бала мектепти бүтсө, анын экөө гана аскерге барат экен. Биз үчүн азыр сапатуу армия өтө маанилүү. Жаштарды мекенчиликте, аскерге кызмат өтөөгө чакырыш керек”, — дейт ал.
Биздин Телеграм каналга катталыңыз
