.svg){kind=logo}
Кыргызстанда КММдин кымбатташы Жакынкы Чыгыштагы абалга байланыштуу — Нефтетрейдерлер ассоциациясыБалдарды сатып алып, аларга карата аморалдык аракеттерди жасашкан. Бишкекте 2 адам соттолдуКыргызстан Брюсселдеги сотто «Бакай Банктын» иши боюнча жеңишке жетти — Аскат АлагозовКыргызстан Анкарада өткөн халал-аккредитация боюнча биринчи Эл аралык конгрессте өз тажрыйбасын тааныштырдыСоттун оң чечимин убадалап, 26 миң доллар алган. Аламүдүн райсотунун судьясы кармалдыЫсык-Көл районунун мамлекеттик нотариусу коррупцияга шектелип кармалды
Кара-Көлдө жоокер чогуу кызмат өтөгөн жигитти атып алып, куралы менен качып кеткен
20.11.2023 | 13:17
Жалал-Абад облусунда ИИМдин Ички аскерлеринин жоокери өзү менен чогуу кызмат өтөгөн жигитти атып алып, окуя жеринен качып кеткен. Бул тууралуу ИИМдин Ички аскерлеринен билдиришти.
Маалыматка караганда, окуя 20-ноябрда болжол менен саат 05:50 эки жоокер кароолдо турганда болгон. Кара-Көл шаарындагы 7706 аскер бөлүгүнүн №1 кароолунда (Токтогул ГЭСи) турган 2002-жылы туулган жоокер (У.Б.) өзү менен бир чакырыктагы жоокерди (С.Т.) атып алган. Алган жараатынан улам 2003-жылы туулган жоокер ошол жерде көз жумган.
Окуядан кийин катардагы жоокер У.Б. өзүнүн куралы менен кароол жайын таштап, белгисиз жакка качып кеткен. Учурда качып кеткен жоокерди издөө иштери жүрүүдө.
Ошондой эле аталган окуя боюнча териштирүү иштери башталган.
Биздин Телеграм каналга катталыңыз
Рубрики: Жаңылыктар, Коом
