Ысык-Көлдүн жээгинде унаа айдаган айдоочуга 15 000 сом айып салынды. Бул тууралуу ЖКККББнын басма сөз кызматы билдирди.
Социалдык тармактарда Jeep Wrangler үлгүсүндөгү унаанын айдоочусу Ысык-Көлдүн жээгине чейин унаасын киргизип, айдап бара жаткандыгы тартылган видео тараган.
Бул боюнча Жол кыймылынын коопсуздугун камсыздоо башкы башкармалыгы унаанын ээсин табышкан, ал 1993-жылы туулган А.А. аттуу айдоочу экендиги аныкталган.
Укук бузуу кодексинин 189-беренесинин 1-бөлүгүнө ылайык, ага 15 000 сомго айып салынган. Айдоочу кылган туура эмес жоругун мойнуна алып, коомчулуктан кечирим сурады.
Биздин Телеграм каналга катталыңыз
